Poker etdi, Lempardı xatırlatdı

İngiltərə çempionatının “Everton” ilə oyunu Koul Palmer üçün əlamətdar olub.

O, “Çelsi”nin 6:0 hesablı qələbəsində 4 qol vurmaqla rol oynayıb. Palmerdən əvvəl paytaxt komandasında premyer-liqa matçında poker edən oyunçu Frenk Lempard olub. Sabiq yarımmüdafiəçi 2010-cu ilin martında “Aston Villa”nın qapısına 4 dəfə yol tapıb.

21 yaşlı Koul premyer-liqanın bombardirlərinin siyahısında 20 qolla Erlinq Holann (Mançester Siti) ilə birlikdə liderliyi bölüşür.