Türkiyənin iki nəhəng klubundan zədəlilərlə bağlı üzücü xəbər gəlib.

''Fənərbaxça'' Ceyden Oostervoldeni, ''Beşiktaş'' isə Ante Rebiçi itirib. Oostervolde ''Olimpiakos''a qarşı oyunun ilk yarısının sonlarında topsuz epizodda zədələnmiş və hətta meydanı xərəkdə tərk etmişdi. Tibbi müayinə zamanı onun meniskində yırtığ aşkarlanıb. Əməliyyat olunmaq üçün vətəni Niderlanda yollanan 22 yaşlı futbolçu bu mövsüm bir daha komandasına kömək edə bilməyəcək. Rebiç isə bel fəqərəsinin disk yırtığından əziyyət çəkirmiş. O da mövsümü başa vurub və bazar ertəsi əməliyyat üçün vətəni Xorvatiyaya yollanacaq. Oostervoldeni daha ciddi itki hesab etmək olar. Hər halda bu futbolçu ''Fənər''də tez-tez əsas heyətdə oynayırdısa, Rebiç ''Beşiktaş''da əsas heyət üzvü sayılmırdı. Maraqlıdı ki, Oostervolde müdafiəçi ola-ola bu mövsüm 41 rəsmi oyuna 2 qol vurubsa, Rebiç vinger ola-ola 23 rəsmi oyunda iştirak edib və yalnız 1 qol vurub.

ƏLİ