''Beşiktaş''ın bu yay böyük ümidlərlə heyətinə qatdığı Ante Rebiç istəksiz davranışları və formaya düşə bilməməsi ilə diqqət çəkir.

Xorvatiyalı ulduz son olaraq ''Qaziantep''lə oyundan öncəki gün məşqdə Burak Yılmaz ilə yaşadığı problemlə gündəmə gəlmişdi. Rebiçin məşqdə çox istəksiz və intizamsız davrandığını görən Yılmaz tanınmış futbolçunu məşqdən qovmuşdu. Daha sonra Rebiç ''Qaziantep''ə qarşı bütün oyunu ehtiyatda keçirmişdi. Rebiçin özünü belə aparması onun start heyətinə düşməməsi ilə bağlıdı. Təcrübəli oyunçu bu yaxınlarda məşqçilər korpusu ilə görüşərək əsas heyətdə oynamaq istədiyini demiş, amma cavabında buna layiq olmadığını eşitmişdi.

Türkiyə mətbuatının yazdığına inansaq, ''Beşiktaş'' artıq Rebiçlə bağlı qərarını verib. Zatən komandaya heç bir faydası dəyməyən, atmosferi korlamaqdan və intizamsızlıq etməkdən başqa bir işə yaramayan Rebiç ilə qış fasiləsində yollar ayrılacaq. Elə futbolçu özü də meneceri ilə əlaqə quraraq ona yeni kluba tapmağı tapşırıb. Düzdü, İstanbul nəhənginin başı hazırda seçkilərə qarışıb. Dekabrın 3-də ''Qartal''da prezident seçkiləri keçiriləcək. Amma istənilən halda bu oyunçunun klubdakı perspektivi parlaq görsənmir. Rebiç indiyə qədər çıxdığı 9 rəsmi oyunda qol və məhsuldar ötürmə ilə fərqlənməyib.

ƏLİ