"Matçın başlama saatı çox əlverişsiz idi deyə, ancaq həmin saatda dərsi olmayan və ya icazə ala bilən tələbə üzvlərimiz gəlmişdilər. Həmişəki kimi komandamıza dəstək verdik və nəticə nə olur-olsun, onların yanındayıq. Reytinqə baxsaq, İsveçrənin nə qədər öndə olduğunu görə bilərik. Həm də onlar AÇ-2025-in ev sahibidi. Ona görə də hesabdan məyus deyilik. Matçdan sonra da qızlarımızı alqışladıq. Biz nəticəyə görə yox, bayrağımıza görə dəstək veririk. Növbəti matçımız iyunda Türkiyə ilə olacaq. Oyun axşam saatına təyin ediləcəyi təqdirdə bütün heyətlə stadionda olmaq istəyirik. Oyunda da xoreoqrafiya etmək planımız var. Gördüyünüz kimi, hər kəs evində oturanda stadiona gedib qızlarımıza bacardığımız qədər dəstək verən tək bizik və biz də qatı türkçü, turançı və milliyyətçiyik. Türkiyə matçının gözəl ab-havada keçməsi üçün çalışacağıq. Qardaşlarımızın, bacılarımızın başımızın üstündə yerləri var. Xoş gəlirlər, həmişə onlar gəlsin. Mənsub olduğumuz torpağa uyğun olaraq dəstəyimizi verəcəyik. Dost və qardaşca zədəsiz bir matç olacağına ümid edirik. Komandamızın arxasındayıq. Türkiyə ilə rəqibliyimiz, sadəcə, 90 dəqiqədən ibarətdi və bunun əskiyi, əlavəsi ola bilməz".