"Əvvəllər "Sector 11" olaraq, bütün yerli klublara avrokubok oyunlarında dəstək verirdik. Şükürlər oısun ki, artıq hər komandanın güclü azarkeş ordusu olduğu üçün "Göyqurdlar" adıyla yalnız millimizin oyunlarında tribunalarda oluruq. "Qarabağ"ın mərhələ adlamasına çox sevindik və azarkeş qrupu adından təbrik etdik. Çünki "köhlən atlar"ın uğuru həm də ölkəmizin uğurudu. Onların Avropada meydanlarında qazandığı nəticələr sayəsində həm Azərbaycan tanınır, həm də xalımız artır. Təbii ki, bütün klubların 'Qarabağ"ı təbrik etməsi gözəl jestdi. "Neftçi"nin etməməsinə gəlincə, burda anormal durum yoxdu. Ölkənin ən qocaman klubunun belə davranış göstərməsi yadırğanmamalıdı. Avropadakı klublar rəqiblərini mərhələ keçdiklərinə və ya qələbə qazandıqlarına görə təbrik etmir. Kiminsə "Neftçi" buna məcbur imiş kimi davranmasını düzgün saymıram. Burda hansısa hörmətsizlik əlaməti də yoxdu. Məncə, azarkeşi yalnız öz komandasının uğuru maraqlandırmalıdı. Təbii ki, söhbət "avrokubok azarkeşi"ndən getmir".