“Qarabağ” bu cür davranışı davam etdirsə, mətbuat vasitəsilə təzyiq göstərsə, Andreyin karyerasını başqa klubda davam etdirmək variantlarını ciddi şəkildə nəzərdən keçirəcəyik. Klubla aparılan danışıq məxfidi. Klubdan birinin niyə bu məlumatı yaydığını başa düşmək istərdim. Çünki belə davranış Andreyin qalmasına kömək etməyəcək. Lunyov “Qarabağ”a gələndə maaşı ciddi şəkildə aşağı qiymətləndirilib. 2023-cü ilin qışında isə “Qarabağ” ona avqustda razılaşdığı maaşdan 2,5 dəfə çox məvacib təklif etmişdi. Müqavilə imzalayarkən “Qarabağ”la müzakirə etdik ki, Andrey aşağı şərtlərə anlaşacaq. Razılığımız belə olmuşdu ki, Andreyin səhhətində problem olmasa, yüksək səviyyədə oynasa, klubun uğurlarına kömək etsə, təqvim ilinin sonuna kimi əməkhaqqısı artırılacaq. Ancaq maaş artırılmayıb”.

“Yanvar-fevral aylarında “Qarabağ” müqavilənin uzunmüddətli uzadılması ilə bağlı təkmilləşdirilmiş təklif irəli sürdü. Bu şərtlər bizə uyğun gəlmədi. Çünki Andrey dəyərini sübut etdi, müvafiq səviyyədə də maaş almağa layiqdi. Üstəlik müxtəlif agentlərdən aldığım təkliflərdən görürəm ki, digər klublar onun səviyyəsini “Qarabağ”dan yüksək qiymətləndirir. Andreyə tələbat var, layiqli gəlir əldə etmək hüququna malikdi. “Qarabağ”a şərtlərimiz tam məqbuldur. Sadəcə, klubdakıların belə davranışı bizim üçün anlaşılmazdı. Klub təklifimizə cavab vermək əvəzinə məxfi məlumatları mətbuata yayıb rəqəmləri açıqlayır. Bunu mənfi imic yaratmaq üçün təzyiq kimi qiymətləndiririk. Lunyova daim maraq olsa da, digər klublarla danışıqlar aparmır. Bütün diqqətini futbola və “Qarabağ”a yönəldib, rəhbərlikdən nəsə tələb etmir, ultimatum vermir”.

“Klub danışıqlar prosesində bu variant haqda bir neçə dəfə danışıb, lakin mübahisəli və birmənalı olmayan bir sıra hüquqi incəliklər var. Təfərrüatları açıqlamaq istəmirəm, lakin deyim ki, bu seçim mövcuddu. Yalnız müəyyən hallarda həmin bənd aktivləşdirilir. İstənilən halda futbolçunun buna razılığı lazımdı”.

“Deyilən rəqəmlərin heç biri həqiqəti əks etdirmir. Məlumatların hardan çıxdığı, kim tərəfindən uydurulduğu bizə məlum deyil. Biz də belə bir məsələ olduğunu mətbuatdan oxumuşuq”.

“Doğrusu, Anton Smirnovun Rusiya mətbuatına verdiyi açıqlamalarla hələ tanış deyiləm və həmin məlumatların Rusiya mətbuatı tərəfindən nə qədər düzgün yazıldığını da bilmirəm. Bu baxımdan Smirnovun açıqlamalarıyla bağlı bir söz deyə bilmərəm. Andrey Lunyov “Qarabağ” üçün nə qədər önəmlidi” sualına gəlincə, “köhlən atlar” uzun illərdi hansısa bir oyunçudan ciddi şəkildə asılı olmadığını göstərir. Aydın məsələdi ki, komandanın hər hansı bir aparıcı futbolçusu, məsələn, Rəşad Sadıqov karyerasını bitirəndə, Riçard Almeyda ilk dəfə klubdan ayrılanda, elə bu yaxınlarda Kadi Borgesin gedişi, qapıçılara gəlincə, İbrahim Şehiçin komandadan ayrılması və s - yəni bütün bunlar komandanın durumuna müəyyən baxımdan təsir göstərir, zəiflədir, amma komanda hər zaman onların yoxluğunu aradan qaldırmaq imkanına malikdi. Konkret bugünkü durumdan, Lunyovdan danışırıqsa, fikrimcə, o, Asmir Beqoviçdən sonra təkcə “Qarabağ”ın yox, Azərbaycan çempionatları tarixinin ən güclü qapıçısıdı. Ancaq mən yenə də hesab etmirəm ki, Lunyov “Qarabağ”da olmasa, komanda ciddi şəkildə zəifləyəcək. O olmayacaq, başqa biq qapıçı olacaq yəqin ki. Həm də demək istədiyim odu ki, Ağdam təmsilçisi uzun illərdi göstərir ki, aparıcı oyunçularını uğurla əvəzetməyə qadirdi. Yenə də bu o demək deyil ki, hər aparıcı oyunçunu rahat şəkildə itirməklə razılaşmaq lazımdı. Xeyr. İndi bilmirəm ki, orda nə baş verir, hansı danışıqlar aparılır və ya aparılmır. Amma əminəm ki, “Qarabağ” Lunyovla danışıq aparacaq. Həm hər şeydən əvvəl klubun qapıçıyla müqaviləsi var. Yəni elə-belə klubdan ayrılmaq olmaz. Ondan sonra isə müqavilənin müddətini artırırlar-artırmırlar, bunların hamısını görəcəyik. Komandada qalsa, yaxşıdı. Fikrimcə, “köhlən atlar” üçün önəmli futbolçudu. Qalmasa belə, əvəzlənəcək oyunçudu”.