Lunyov nə vaxt məşqə başlayacaq?

12.11.2023 15:29 307
Aktual / Ölkə futbolu
“Qarabağ”ın qapıçısı Andrey Lunyov “Bayer-04” ilə keçirilən Avropa Liqasının qrup mərhələsinin 4-cü tur oyununda zədələndi.

"Football-plus.az" xatırladır ki, rusiyalı qolkiper Bakıdakı qarşılaşmanın 2-ci hissəsində dizindən xəsarət aldı. Matçı sona qədər davam etdirə bilməyən təcrübəli qolkiper 85-ci dəqiqədə Luka Quqeşaşvili ilə əvəzləndi.

Qapıçının son durumuyla bağlı "Qarabağ"ın mətbuat xidmətinin rəhbəri Anar Hacıyevdən məlumat aldıq:

"Andrey Lunyovun sağlamlıq durumu getdikcə yaxşılaşır. MRT müayinəsinin cavabına əsasən, təxminən 10 gün sonra yüngül məşqlərə başlaya bilər".

KƏNAN BAHADIR