İvanişeviçdən Cokoviçin seçiminə maraqlı reaksiya
Xorvatiyalı mütəxəssis Qoran İvanişeviç Nenad Zimonyiçin Novak Cokoviçin növbəti məşqçisi ola biləcəyi ilə bağlı xəbərləri şərh edib.
Devis kubokunda Serbiya yığmasının kapitanı olan Zimonyiç hazırda həmvətənini Monte-Karlo turnirinə hazırlaşdırır:
“Mənə elə gəlir ki, indi Novakla ideal adam – Ziki çalışır. O, mənim böyük dostumdu, birlikdə çox sınaqdan keçmişik, mən onu sevirəm. Nenad tennisdə ciddi ekspertdi. Ancaq bu tarixçə ilə bağlı ən mühüm məqam odu ki, Nenad Novakı tanıyır. Balkanlı hər kəsi çalışdıra bilər, ancaq balkanlını yalnız bu yerlərdən olan adam çalışdıra bilər”.
Cokoviçlə İvanişeviç 2018-ci ildən son günlərə qədər birgə çalışıb. İvanişeviç Cokoviçdən əlavə xorvat Marin Çiliç, çexiyalı Tomaş Berdıx və kanadalı Milan Raonyiçi də çalışdırıb.
Bu arada ispaniyalı əfsanə Rafael Nadalın belindəki problem üzündən 6 həftəyə yaxın kortdan kənarda qalacağı xəbəri yayılıb. “Diario Sport” bildirir ki, onun Monte-Karlo, Barselona və Madrid turnirlərini buraxmaq ehtimalı yüksəkdi. 37 yaşlı ispaniyalı bu mövsüm artıq Brisbendəki turnirdə çıxış edib, ancaq 1/4 finalda avstraliyalı Cordan Tompsona uduzub. Məhz həmin görüşdə aldığı omba zədəsi üzündən Avstraliya Açıq Çempionatını buraxıb, həmçinin Doha və İndian-Uells turnirlərindən çəkilib.
Digər xəbərlər
