Zlatan İbrahimoviçin vida oyunu keçiriləcək.

O, İsveç yığmasının formasında daha bir dəfə meydana çıxacaq.

Ötən mövsümün sonunda xroniki zədə aldığı üçün karyerasını başa vuran hücumçunun şərəfinə vida matçının təşkili qərara alınıb. “Football Italia”nın yaydığı məlumata görə, oyun iyunun 8-də Stokholm ətrafında yerləşən “Friends Arena”da keçiriləcək. Həmin matçda İsveç Serbiyanı qəbul edəcək.

Hazırda “Milan”ın sahibi Cerri Kardinalenin məsləhətçisi funksiyasını yerinə yetirən 42 yaşlı İbrahimoviç İsveç yığmasında 122 oyuna 62 qol vurub. O, milli komandann tarixinin ən yaxşı bombardiridi. Zlatanın 12 dəfə İsveçdə ilin ən yaxşı futbolçusu seçildiyini və 2013-cü ildə dünyada ən baxımlı qolun müəllifi kimi “Ferents Puşkaş” mükafatını qazandığını da bildirək.