İngiltərə premyer-liqasında bolboylara (topdaşıyan uşaqlar) qadağa tətbiq edilib. Bu haqda “The Telegraph” qəzeti məlumat yayıb.

“Football-plus.az” xəbər verir ki, bundan sonra matçlarda ev sahiblərinin hücumları zamanı top meydanı tərk edərsə, bolboylar topu həmin komandanın oyunçusuna ata bilməyəcəklər. Premyer-Liqanın rəhbərliyi hesab edir ki, bu, hücum edən tərəfə ədalətsiz üstünlük qazandırmaqla onların təhlükəli hücumlar yaratmasının qarşısını alacaq. Futbolçular bundan sonra meydanın kənarındakı konusların yanına qoyulan topu özləri götürməli olacaqlar.

Qeyd edək ki, oyunlar zamanı uşaqlara hətta konusların yanında olmağa da icazə verilmir. Liqanın rəhbərliyi ümid edir ki, bununla futbolçular topu özlərinin götürməli olduğunu başa düşəcəklər. Bu yenilikdən sonra yan xətlərin yaxınlığında əlavə 4 top qoyulacaq. Topdaşıyanlara yalnız həmin 4 topdan biri istifadə olunanda onu yenisi ilə əvəzləmək icazəsi veriləcək.