“Bəxt də son oyunda bizim tərəfimizdə deyildi” – Cavid Hüseynovdan məğlubiyyətə izahat
Futbol üzrə ölkə çempionatının 2-ci liqasında yarışan “Cəbrayıl” qış fasiləsindən sonra keçirdiyi 4 oyunun ikisində qalib gəlib, birində heç-heçə edib, birində uduzub.
Cavid Hüseynovun çalışdırdığı komandanın “doğma divarlar” arasında “Qusar” uduzması (2:3) gözlənilməz oldu. Bəs baş məşqçi bu məğlubiyyəti necə izah edir? Cavid Hüseynovun “Football-plus.az”a söylədikləri:
“Düşünürdüm ki “Qusar”a qarşı oyun heç də asan olmayacaq. Sadəcə, həmin gün şans da “Qusar” tərəfində oldu, biz isə fürsətlərdən yararlana bilmədik. Qollardan birini penaltidən buraxdıq, daha ikisini isə mərkəz müdafiəcisi ilə qapıcının anlaşmazlığı üzündən. Buraxdıqımız səhvlər oyunun nəticəsinə təsir etdi. Hazırda vəziyyətimiz elə də pis olmadığını fikirləşirəm. Biz həmişə futbolçulardan yüksək nəticə tələb edirik. Amma bəxt amili də önəmlidi. O da son oyunda bizim tərəfimizdə deyildi”.
ELMİN
Digər xəbərlər
