Üç oyunda 2:20 – buna izahat varmı?
Futbol üzrə ölkə çempionatının 2-ci liqasında qış fasiləsindən sonra artıq üç tur arxada qalıb.
“Football-plus.az” xəbər verir ki, fasilədən sonra faciəvi nəticə göstərən komandalardan biri “Kürmük-Qax”dı. Qaxlılar bir-birinin ardında “Cəbrayıl”a (0:9), “Kür-Araz”a (1:4) və “Qusar”a (1:7) uduzub. Belə bərbad çıxışın səbəbini öyrənmək üçün komandanın baş məşqçisi Telman Kərimovla danışdıq:
“Komandada bir qədər problemlər var. Bundan öncəki matçda “ağsaqqallar” gəlməmişdi. Demək olar ki, tam gənclərlə çıxmışdıq meydana. Bu üzdən də böyük hesabla məğlub olduq. “Qusar”la görüşdə isə bir çox futbolçularımız geri qayıtsa da, hava şəraiti bizə əl vermədi. Elə yağışlı-küləkli şəraitdə qapımızda 7 top gördük. Məqsədimiz liqada qalmaqdı. İnşallah, “Dinamo” ilə ev oyunumuzda yaxşı olar”.
KAMAL SƏFƏR
Digər xəbərlər
