“Arada böyük səviyyə fərqi var, qarşımızdakı milyonluq oyunçular idi” – U-21-in kapitanı
Bildiyiniz kimi, U-21 martın 22-də Avropa çempionatının seçmə oyununda evdə İngiltərəyə böyük hesabla uduzdu - 1:5.
Komandanın kapitanı Fərid Yusifli həm bu oyun, həm də Ukrayna ilə qarşılaşma ilə bağlı fikirlərini “Football-plus.az”a açıqladı:
“İngiltərə bizdən qat-qat güclü idi. Arada böyük səviyyə fərqi var, qarşımızdakı milyonluq oyunçular idi. Bizim heyətdəkilərin çoxu divizionda oynayır. İlk hissədə iki-üç yaxşı imkanımız oldu, fərqlənə bilsəydik, bəlkə də hər şey başqa cür ola bilərdi. Ukrayna ilə oyunda əlimizdən gələni etməyə çalışacağıq ki, yaxşı nəticə qazanaq. Nəsə demək ücün hələ tezdi. Oynayıb görəcəyik".
ELMİN
Digər xəbərlər
