Ölkəmizin U-21 yığması bayram günlərində Avropa çempionatının seçmə mərhələsi çərçivəsində növbəti oyunlara çıxacaq.

Gəncləri ciddi hədəfləri olan iki rəqiblə ağır oyun gözləyir. Söhbət İngiltərə və Ukrayna yığmalarında gedir.

U-21-lər arasında Avropa çempionatının seçmə oyunları
22 mart
Azərbaycan – İngiltərə 1:5
Ramin Nəsirli, 85 - Harvi Elliot, 25, 67. Noni Madueke, 29. Harvud-Bellis, 53, Arçi Qrey, 88.
Bakı. “Azərsun Arena”. Saat 16.00.

26 mart
Azərbaycan – Ukrayna
Bakı. “Azərsun Arena”. Saat 16.00.

Yığmamız meydanda ən yaxşı oyununu göstərməlidi ki, uğurlu nəticə əldə etsin. Rəqiblərə gəlincə, komandamız qrupun ən iddialılarıyla üz-üzə gələcək. Samir Əliyevin yetirmələri ilk oyunda ingiltərəli yeniyetmələri məğlub etməyə çalışacaq. Hədəf xal ehtiyatını yaxşılaşdırmaq, belədə qrupdan çıxmaq ehtimalını artırmaqdı. İngiltərə isə növbəti qələbəsini qazanıb yuxarı pillədəki yerini qorumağa çalışacaq. Ukrayna hələ ki yarışın ən güclüsüdü. Təmsilçimiz lideri büdrətməklə sensasiyaya imza ata bilər. Tərəflərin İspaniyada keçirilən ilk oyununda yığmamız minimal hesabla məğlub olub – 0:1.

Ümumiyyətlə, şans həmişə var. Samir Əliyevin toplanışa dəvət etdiyi futbolçuların əksəriyyəti isə komandasında daim meydana çıxır. Yəni oyunçuların hazırlıq səviyyəsində ciddi problemə rast gəlmək ehtimalı azdı.

Yeri gəlmişkən, millimizin mübarizə apardığı F qrupunda martın 22-də Lüksemburq – Serbiya, 26-da Serbiya – Şimali İrlandiya, İngiltərə - Lüksemburq oyunları keçiriləcək.

1. Ukrayna 5 5 0 0 12-2 15
2. İngiltərə 6 5 0 1 25-4 15
3. Serbiya 5 3 0 2 7-13 9
4. Azərbaycan 5 1 0 4 4-11 3
5. Lüksemburq 6 1 0 5 3-15 3
6. Ş.İrlandiya 5 1 0 4 2-7 3

KƏNAN BAHADIR