Türkiyə çempionatında çıxış edən ''Kayserispor''un prezidenti Əli Çamlı xoşagəlməz bir olayın iştirakçısı olub.

Hadisə martın 24-də yerli vaxtla saat 17.00 radələrində Kayseridə baş verib. Çamlının idarə etdiyi ''Volvo'' markalı maşın elektriklə işləyən velosipedlə toqquşub. Sonradan velosipedi sürən şəxsin 60 yaşlı suriyaəsilli İbrahim M. olduğu üzə çıxdı. Hadisə yerinə dərhal polislər və təcili tibbi yardım maşını gəlib. Toqquşma nəticəsində ciddi yaralanan və huşunu itirən İbrahim M. tibbi yardım maşını ilə xəstəxanaya çatdırılıb. O, bir neçə saat süni nəfəs aparatı ilə yaşasa da, bu şəxsin həyatını xilas etmək mümkün olmayıb.

İbrahim M. yaxınları tərəfindən sabah Suriyanın Əl-Bab şəhərinə aparılacaq və orda dəfn ediləcək. Əli Çamlı ifadəsi alınması üçün polis məntəqəsinə yollanmalı olub. Hadisə ilə bağlı araşdırma davam edir.

ƏLİ