Vüsal İsgəndərlinin çıxış etdiyi “Eqnatiya”nın hücumçusu Rafael Dvamena oyun vaxtı həyatını itirib.

"Football-plus.az" xəbər verir ki, qanalı futbolçu çempionatın 13-cü turunda “Partizani” ilə keçirilən matçın 24-cü dəqiqəsində qəflətən yerə yıxılıb.

Huşunu itirən 28 yaşlı oyunçu təcili tibbi yardım maşını ilə dərhal xəstəxanaya çatdırılıb. Lakin onun həyatını xilas etmək mümkün olmayıb. Futbolçu ürəktutmadan həyatını itirib. Həkimlər Rafaelin ürəyinin meydanda dayandığını bildiriblər.

Qeyd edək ki, Qana millisinin sabiq üzvü "Sürix", "Levante", "Saraqosa"da da çıxış edib.