“FIFA series – Edition 2024” layihəsi çərçivəsində keçiriləcək Azərbaycan – Bolqarıstan oyunundan öncə mətbuat konfransı təşkil olunub.

"Football-plus.az" xəbər verir ki, matçdan öncə Bolqarıstan millisinin futbolçusu Kiril Despodov görüşlə bağlı düşüncələrini bölüşüb. Sizi onun fikirləri ilə tanış edirik:

"Azərbaycan - Monqolustan matçını tam izləməmişik. Bəzi epizodlara baxdıq. Həmin oyunda güclü olan tərəf Azərbaycan idi. Biz də sabahkı rəqibimizi analiz etmişik, hazırlaşmışıq"

- Komanda yoldaşın Aleksandr Kolev bildirib ki, "Azərbaycan daha ciddi komandadı. Futbolçularının yarısı "Qarabağ"da oynayır və onların da "Bayer"ə nələr etdiklərini gördünüz". Sən də belə düşünürsən?
- Bəli, təsdiq edirəm. Azərbaycan millisi ciddi rəqibdi. Paltardəyişmə otağında heç kim Azərbaycanla oyunun bizim üçün rahat olacağını fikirləşmir. Amma ilk növbədə rəqib haqda düşünmürük, öz oyunumuz barədə fikirləşirik. Baş məşqçinin tapşırıqlarını yerinə yetirərək, müsbət nəticə qazanmağı planlaşdırırıq.