Çempionlar Liqasında 1/4 finala yüksəlməsinə rəğmən cari mövsümü bundesliqada o qədər də inamlı keçirməyən Dortmund ''Borussiya''sında bu yay ciddi dəyişikliklər gözlənilir.

Almaniyanın ''Bild'' nəşrinin yazdığına inansaq, Dortmund təmsilçisi 5 futbolçu ilə vidalaşmaq qərarına gəlib. Onların arasında Türkiyə yığmasının üzvü olan Salih Özcan da var. ''Arılar'' yayda Salihdən başqa Əmrə Can, Yussufa Mukoko, Sebastyan Alle və Remi Bensebayni ilə də vidalaşacaq. Təcrübəli Əmrə Can da türkiyəlidi. Amma Salihdən fərqli olaraq o, Almaniya yığmasına üstünlük verib. ''Borussiya''ya 2022-ci ildə ''Köln''dən gələn 26 yaşlı Salih bu mövsüm iştirak etdiyi 26 rəsmi oyunda aktivinə qol və məhsuldar ötürmə yaza bilməyib. ''Borussiya''nın mövsümün sonunda məşqçi dəyişikliyinə gedəcəyi də istisna edilmir.