Mats Hummels futbolçu həyatı ilə bağlı qərar vermək üzrədi.

Dortmund “Borussiya”sının müdafiəçisi karyerasını başa vurmağa hazırlaşır. “Bild” qəzetinin xəbərinə görə,  35 yaşlı futbolçu mövsümün sonunda karyerasını başa vuracaq. Xəbərdə bildirilib ki, Hummels müasir futbolun tempinə uyğunlaşmaqda çətinlik çəkdiyini hiss etdiyi üçün belə qərara gəlib.

Almaniya yığmasının sabiq oyunçusu “Bavariya”nın yetirməsidi. 2008-ci ildən “Borussiya”da çıxış edən müdafiəçi 2016-19-cu illərdə “Bavariya”da oynayıb. Hummels bu mövsüm Dortmund klubunda 29 oyun keçirib və 3 qol vurub.