Bu gün yoxlama oyunu keçirənlər arasında “Sabah”la “Qəbələ” də var. Bu komandalar saat 17.00-da “Bank Respublika Arena”da qarşılaşacaq.
Görəsən, “Qəbələ”nin ən fəal azarkeş qrupu “Red Black Army” komandanı tribunadan dəstəkləyəcəkmi?
Azarkeş qrupunun idarəçilərindən Nəriman Təbriz "Football-plus.az"ın sualını belə cavabladı:
"Xeyr, əhəmiyyətsiz oyundu, buna görə də Bakıya gəlməyəcəyik. Əvəzində "Qəbələ-2" ilə "Turan Tovuz-2" arasında keçiriləcək yoxlama oyununu səbirsizliklə gözləyirik. Həmin oyun Qəbələdə olacaq və biz onu izləyəcəyik".
GÜNAY SÜLEYMANOVA
