Misli premyer-liqasının 25-ci turunun martın 3-də keçirilən "Neftçi" - "Qarabağ" matçından (1:4) sonra paytaxt klubunun azarkeşləri həbs olunmuşdu.

Xatırladaq ki, dörd tərəfdar klub bazasının ərazisində pirotexniki vasitələrdən yararlanmış, nəticədə Arif Dadaşov 30, Ceyhun Quliyev 15 sutka inzibati həbs cəzalı almışdısa, Vasif Rzayevlə Sabir Nəzərov cərimələnmişdi.

"Football-plus.az" məsələylə bağlı məlumat əldə edib. Belə ki, azadlıqdan məhrum olunan şəxslər srağagün həbsdən buraxılıb. Buna səbəb müddətin sona çatmasıdı. Ceyhunun həbs müddəti, doğrudan da, bitib. Bəs Arif Dadaşovun 30 sutkası?

Azarkeşlər pul toplayaraq vəkil tutub və mövzuyla bağlı Bakı Apellyasiya Məhkəməsinə müraciət edilib. Nəticədə cəzanın 15 sutkaya endirilməsinə nail olublar.

KƏNAN BAHADIR