“Xəbəri sosial şəbəkələrdə gördüm. Polisə şikayət edən klub rəhbərliyidisə, çox pis haldı. Belə etdikləri halda özlərini gözdən salmış olarlar. Azarkeş sutkasını yatıb çıxacaq, amma bütün azarkeşlər və futbol ictimaiyyətində özlərinə qarşı nifrət oyatmış olarlar. Düşüncəli qrup rəhbərliyi olsa, çağırıb azarkeşlərlə söhbət edərdi. Ən azı “əlimizdən gələnin ən yaxşısını etməyə çalışırıq” deyə bilərdilər. Azarkeşini tutduranın insani keyfiyyətləri yaxşı deyil. Buna başqa cür ad qoya bilmirəm. Azarkeşlərin tutulmasına qarşıyıq. Şikayət yoxdusa, həbs edilə bilməzlər. Gördüyümüz qədərilə ictimai yerdə də olmayıb. Ölkəmizdə güclü rəqabət, güclü komandalar görmək istəyirik. Çempionatımız rəqabətli olsa, ölkə futbolu daha yaxşı yerlərə gedər”.