Luis Adrianonun yeni klubu müəyyənləşib. Təcrübəli braziliyalı futbolçu yenə vətənində çıxış edəcək.

“İnternasyonal”dan ayrılan 36 yaşlı hücumçu “Vitoriya”da qərar tutub. Onuu Salvador klubu ilə imzaladığı müqavilənin müddəti bu ilin sonuna qədərdi. Komanda A seriyasındakı yerini qoruyacağı halda müqavilə birilliyə yenilənəcək.

Luis Adriano “İnternasyonal”ın yetirməsidi. Peşəkar karyerasına 2006-cı ildə bu klubda başlayan hücumçu bir ildən sonra Avropaya yollanıb. Bu qitədə “Şaxtyor”, “Milan” və “Spartak”da çıxış etdikdən sonra 2019-cu ildə Braziliyaya qayıdaraq üç il “Palmeyras”da top qovub. Sonra Avropada bir il “Antalyaspor”da da oynayıb və 2023-cü ilin yayında doğma klubu “İnternasyonal”a dönüb.