David Fofana “Union”u tərk edib. “Çelsi” Almaniya klubunda icarə əsasında oynayan futbolçusunu komandaya qaytarıb.

"Football-plus.az" xəbər verir ki, afrikalı hücumçu Berlin komandasında 2023-cü ilin yayından çıxış edirdi. O, ötən müddətdə bundesliqada 12 oyuna çıxıb və 1 qol vurub. “Union”da bütün turnirləri nəzərə almaqla 17 oyun keçirən David 2 qolun və 1 məhsuldar ötürmənin müəllifi olub.

Fofananın “Çelsi” ilə müqaviləsinin müddəti bu ilin yayında sona çatacaq. Amma o, yenə paytaxt klubunda qala bilməyib. Rəhbərlik Davidi yenə icarəyə verib. 21 yaşlı hücumçu “Bernli”yə yollanıb.

Onunla cari mövsümün sonuna qədər müqavilə imzalanıb. Xatırladaq ki, hücumçu “Çelsi”yə 2023-cü ilin yanvarında “Molde”dən 12 milyon avroya transfer olunub.

Bu arada London klubu braziliyalı futbolçu alıb. “Çelsi” tezliklə heyətinə yeni futbolçu cəlb edəcək. Paytaxt klubu “Palmeyras”ın oyunçusu Estevaonun transferini həll edib. “Çelsi” 16 yaşlı hücumçuya görə təxminən 60 milyon avro ödəyəcək. Estevaonun “Palmeyras”la müqaviləsinin müddəti 2026-cı ilin yayına kimi nəzərdə tutulub.

Qeyd edək ki, o, Braziliya klubunun əsas heyətində yalnız 1 oyun keçirib. Estevaonun klubun ikinci komandasında 17 oyuna 6 qol vurub, 1 məhsuldar ötürmə etdiyini də bildirək.