“Bayer-04” ilə “Amerika Mineyro” arasındakı danışıqlar sona çatıb. Almaniya klubu heyətinə yeni futbolçu cəlb edəcək. "Football-plus.az" xəbər verir ki, “Amerika Mineyro”nun oyunçusu Artur Leverkuzen klubuna transfer olunub. 20 yaşlı müdafiəçi ilə 5 illik müqavilə imzalanıb. “Bayer-04” Artura görə 6 milyon avro ödəyəcək. Razılaşmada Braziliya klubuna çata biləcək 1 milyon avro məbləğində bonus da nəzərdə tutulub. Braziliya millisinin üzvü yeni klubuna yayda qoşulacaq. Artur bu mövsüm “Amerika Mineyro”da 6 oyun keçirib və 1 məhsuldar ötürmə verib. Gənc futbolçunun milli komandada Mərakeşə qarşı son yoldaşlıq matçında (1:2) debüt etdiyini də xatırladaq. Yeri gəlmişkən, “Bayer-04” Çarlz Aranqislə yollarını ayırıb. Çili yığmasının yarımmüdafiəçisinin klubla müddəti yayda sona çatacaq müqaviləsi qarşılıqlı razılıq əsasında ləğv olunub. 33 yaşlı futbolçu karyerasını “İnternasyonal”da davam etdirəcək. O, Braziliya klubu ilə müddəti 2025-ci lin iyununa qədər razılaşdırılan müqavilə bağlayıb. Qeyd edək ki, Aranqis 2015-ci ildə məhz “İnternasional”dan Almaniya klubuna keçmişdi. O, leverkuzenlilərin heyətində 214 oyuna 17 qol vurub.