Rafael Benites getdi, Klaudio Xiraldes gəldi
La Liqanın son turunda “Real”dan alınan 0:4 hesablı məğlubiyyət “Selta” rəhbərliyinin səbr kasasını daşırıb.
28 turdan sonra 24 xalla 17-ci pillədə qərarlaşan klubun rəhbərliyi çıxış yolunu baş məşqçi Rafael Benitesi istefaya göndərməkdə görüb. Viqo klubunun rəsmi saytının xəbəri:
“Rafa Benites və onun məşqçi korpusu 8 aylıq tam sadiqlikdən və fədakarlıqdan sonra “Selta” ilə vidalaşır. Ancaq komanda bu müddətdə klubun gözlədiyi nəticələrə nail ola bilmədi”.
63 yaşlı ispaniyalı ötən ilin yayından “Selta”ya rəhbərlik edirdi. Komanda onun rəhbərliyi altında keçirdiyi 33 oyunun 9-da qələbə qazanıb, 9-da heç-heçə edib və 15-də uduzub.
Artıq Benitesi kimin əvəz edəcəyi də bəllidi. Klaudio Xiraldes viqoluları elitada saxlamağa çalışacaq. 36 yaşlı Xiraldes əvvəllər “Selta”nın gənclərdən ibarət komandalarını çalışdırıb, 2022-ci ildən isə klubun ikinci komandası ilə işləyib.
Digər xəbərlər
