Kloppun “Liverpul”u 1000-ci qolunu vurdu

Martın 6-7-də Avropa Liqasının (AL) 1/8 finalına start verildi.

"Football-plus.az" xəbər verir ki, ilk matçlar kifayət qədər məhsuldar keçdi: 8 oyunda qapılara ümumilikdə 31 qol vuruldu.

Avrokuboklarda mübarizəni davam etdirən yeganə təmsilçimizin tarixində ilk dəfə çıxış etdiyi 1/8 finaldakı startı qənaətbəxş sayıla bilər. “Qarabağ” cari mövsümdə məğlub olmayan və bundesliqada inamla liderlik edən “Bayer-04” üzərində qələbəni son dəqiqələrdə əldən verdi – 2:2. Almaniyanın digər təmsilçisi “Frayburq” evdə “Vest Hem”ə minimal hesabla qalib gəldi. Maraqlıdı ki, bu cüt də eyni qrupda yarışmış, İngiltərə klubu “Frayburq”dan 6 xal (2:1, 2:0) almışdı.

İlk oyunlardan sonra “Bayer-04” və “Frayburq” kimi “Roma”, “Milan”, “Atalanta”, “Reyncers”, “Liverpul” və “Marsel” də növbəti mərhələyə vəsiqə qazanmaq şansını az-çox artırdı. Maraqlı faktlardan “Liverpul”un Yürgen Kloppun başçılığı altında keçirdiyi 476-cı oyunda 1000-ci qolu vurduğunu qeyd edək. Yubiley qolunun müəllifi “Sparta” üzərində 5:1 hesablı qələbədə dubl etməklə rol oynayan Nunyes oldu. Obameyanq isə “Marsel”in “Vilyarreal” üzərindəki 4:0 hesablı qələbəsinə belə göstərici ilə töhfə verdi. Qabonlu hücumçu həm bu mövsüm qollarının sayını 9-a çatdırmaqla, həm də AL-də ümumilikdə 33-cü qolunu vurmaqla turnirin ən yaxşı bombardiri kimi mövqeyini gücləndirdi.

1/8 final, ilk oyunlar
Sportinq (Portuqaliya) – Atalanta (İtaliya) 1:1
Paulinyo, 17 – Skamakka, 39.
Sportinq: İsrael, Kuarejma, Koates, Diomande (Sen-Jüst, 46), Katamo, Kuandredi (Yulmann, 46), Morita (Braqansa, 84), Reys, Edvards (Dyokereş, 46), Trinkan, Paulinyo (Esqayo, 68).
Atalanta: Musso, Cimşiti, Hin (Skalvini, 46), Kolaşinats, Holm (Zappakosta, 89), De Roon, Ederson, Rucceri, Mirançuk (Koopmeyners, 72), Skamakka (Ture, 81), Lukmen (De Ketelare, 72).
Sparta (Çexiya) – Liverpul (İngiltərə) 1:5
Bredli, 46-öz qapısına - Makallister, 6-p. Nunyes, 25; 45+3. Dias, 53. Soboslai, 90+4.
Liverpul: Kelleher, Konate (Van Diyk, 51), C.Qomes (Bredli, 46), Kuansa, Robertson, Endo, Makallister (Klark, 65), Elliott, Qakpo, Nunyes (Soboslai, 51), Dias (Salah, 74).
Roma (İtaliya) - Brayton (İngiltərə) 4:0
Dibala, 13. Lukaku, 43. Mançini, 64. Kristante, 68.
Roma: Svilar, Çelik, Mançini, Ndika, Spinatsola (Lyorente, 82), Kristante, Paredes (Bove, 72), Pelleqrini, Əl-Şaaravi (Zalevski, 88), Dibala (Baldantsi, 72), Lukaku (Azmun, 88).
Brayton: Stil, Lempti, Dank, İqor Julio (Estupinyan, 75), Van Hekki, Qross, Gilmor (Baleba, 82), Buonanotte (Veltman, 70), Enkiso (Fati, 46), Adinqra, Uelbek (Ferqyuson, 82).
Marsel (Fransa) - Vilyarreal (İspaniya) 4:0
Veretu, 23. Moskera, 28-öz qapısına. Obameyanq, 42-p.; 59.
Marsel: P.Lopes, Kloos (Meyte, 60), Mbemba, Balerdi, Merlen (Soqlo, 85), Veretu (Enrike, 73), Kondoqbiya, Harit, Sarr, Ndiaye (Unay, 60), Obameyanq (Mumbanya, 85).
Vilyarreal: Reyna, Mandi (A.Moreno, 46), Beyi, Moskera, Kueka, Axomaş, Komesanya (Parexo, 46), Koklen (Kapue, 69), Baena (Sörlot, 46), X.Moreno (Femenya, 65), Gedeş.
Milan (İtaliya) – Slaviya (Çexiya) 4:2
Jiru, 34. Reynders, 44. Loftus-Çik, 45+1. Pulişiç, 85 - Doudera, 36. Şrants, 65.
Milan: Menyan, Ernandes, Kyaer, Qabbya (Tomori, 46), Florentsi (Kalabriya, 46), Adli, Reynders (Bennaser, 80), Loftus-Çik (Yoviç, 66), Pulişiç, Leao, Jiru (Okafor, 80).
Frayburq (Almaniya) - Vest Hem (İngiltərə) 1:0
Qreqoriç, 81.
Frayburq: Atubolu, Sildilya (Kübler, 82), Günter, Qulde, Ginter, Höfler, Doan (Musliya, 82), Eqqeştayn, Höler (Vayshaupt, 70), Qrifo (Qreqoriç, 70), Şolloi (Röl, 88).
Vest Hem: Fabianski, Tsoufal, Mavropanos, Zuma, Emerson (Kressuell, 68), Souçek, Alvares, Uord-Prouz (Fillips, 81), Paketa (Antonio, 81), Kudus, Bouen.
Benfika (Portuqaliya) – Reyncers (Şotlandiya) 2:2
Di Mariya, 45+2-p. Qoldson, 67-öz qapısına – Lourens, 7. Sterlinq, 45+5.
Benfika: Trubin, Bax (A.Fernandes, 46), A.Silva, Otamendi, Eursnes, Neveş, Florentinu, Di Mariya, Neres (Quveyya, 84), Rafael Silva, Kabral (Leonardo, 65).
QARABAĞ (AZƏRBAYCAN) – Bayer-04 (Almaniya) 2:2
Benzya, 26. Juninyo, 45+2 – Virts, 70. Şik, 90+2.
Bombardirlər: Obameyanq (Marsel) – 9, Lukaku (Roma) – 7, Joao Pedro (Brayton) - 6.
Həftənin ən yaxşı oyunçusu (UEFA-nın versiyası): Pyer-Emerik Obameyanq (Marsel).