Məşqçi Kloppun 1000 oyunu: rəqəmlər üzərində gəzişmə

Ötən şənbə “Liverpul”un baş məşqçisi Yürgen Klopp üçün təkcə özü kimi top səviyyəli rəqib – “Çelsi” ilə oyunla əlamətdar olmadı.

Football-plus.az xəbər verir ki, almaniyalı mütəxəssis baş məşqçi statusunda 1000-ci oyununu keçirdi.

Bu nəhəng rəqəmin altında hansı incəliklər yatır? Təbii ki, titullardan başlamaq lazımdı. Orta hesabla hər 83 oyundan bir titul qazanan Kloppun kolleksiyasında nələr var?

Bundesliqa çempionluğu – 2 dəfə
Almaniya Superkuboku – 2 dəfə
Almaniya kuboku – 1 dəfə
Premyer-liqa çempionluğu – 1 dəfə
İngiltərə kuboku – 1 dəfə
İngiltərə Liqa kuboku – 1 dəfə
Çempionlar Liqası – 1 dəfə
UEFA Superkuboku – 1 dəfə
Klublararası dünya çempionatı – 1 dəfə
İngiltərə Superkuboku – 1 dəfə
2001-ci ildən baş məşqçi kimi çalışan Kloppun karyerası ilə bağlı əsas faktlar isə aşağıdadı:
Xal – 1854 (hər mövsümdə orta hesabla 80,6)
Oyun – 1000 (hər oyunda orta xal 1,85)
Qələbə - 538 (qələbə faizi 53,8)
Heç-heçə - 240 (heç-heçə faizi 24)
Məğlubiyyət – 222 (məğlubiyyət faizi 22,2)
Vurulan qol – 1898 (hər oyunda orta hesabla 1,9)
Buraxılan qol – 1081 (hər oyunda orta hesabla 1,1)
Fərq – 817 (hər oyunda orta hesabla +0,8)
Ümumilikdə üç komandanı çalışdıran Klopp “Liverpul”da daha çox vaxt keçirib.
Maynts-05: 270 oyun, 109 qələbə, 78 heç-heçə, 83 məğlubiyyət
Borussiya D: 319 oyun, 180 qələbə, 69 heç-heçə, 70 məğlubiyyət
Liverpul: 411 oyun, 249 qələbə, 93 heç-heçə, 69 məğlubiyyət
Bəs Kloppun 1000 oyunu hansı turnirləri əhatə edir?
Bundesliqa - 340
Premyer-liqa – 277
2-ci bundesliqa – 148
Çempionlar Liqası – 102
Almaniya kuboku – 44
İngiltərə Liqa kuboku – 26
İngiltərə kuboku – 24
Avropa Liqası – 21
UEFA kuboku – 8
Almaniya Superkuboku – 4
İngiltərə Superkuboku – 3
Klublarası dünya çempionatı – 2
UFEA Superkuboku – 1

Klopp karyerasının əsas hissəsini Almaniyada keçirdiyindən, təbii ki, həmin ölkədə çalışan həmkarları ilə daha çox qarşılaşıb. Klopp Qvardiolanı 11 dəfə məğlub edib, ona 9 dəfə uduzub. Rekord və antirekord ispaniyalı mütəxəssislə bağlıdı.

Pep Qvardiola – 27
Diter Hekkinq – 21
Tomas Tuxel – 19
Tomas Şaaf – 19
Ralf Ranqnik – 14
Feliks Maqat – 14

Kloppun komandaları 150 fərqli rəqiblə qarşılaşıb. Bu siyahıya “Bavariya” başçılıq edir.

Bavariya – 31
Arsenal – 25
Mançester Siti – 24
Hannover-96 – 24
Borussiya M – 22
Volfsburq – 22

Daha bir maraqlı məqam odu ki, Klopp yubiley oyunlarında uduzmur.
nömrə il klubu rəqib hesab

100 2003 Maynts-05 Unterhahinq 1:1
200 2006 Maynts-05 Bohum 2:1
300 2009 Maynts-05 Verder 1:0
400 2011 Borussiya D Maynts-05 2:1
500 2013 Borussiya D Frayburq 5:0
600 2015 Liverpul Sauthempton 6:1
700 2017 Liverpul Nyukasl 1:1
800 2019 Liverpul Çelsi 2:2*
900 2021 Liverpul Real 0:0
1000 2023 Liverpul Çelsi 0:0

* - 800-cü oyun UEFA Superkuboku uğrunda olub. “Çelsi” ilə oyun 2:2 bitib, “Liverpul” penalti seriyasında 5:4 hesablı qələbə qazanıb.
Səbəbkardan sitat

1000-ci oyun? Ağlasığmaz rəqəmdi. Mən bura gələndə saqqalım ağarmamışdı. Bunun yaşa və ya komandaya görə yarandığını bilmirəm. Ancaq bitirmək fikrində deyiləm. Lazım gəlsə, daha 10 il üçün gücüm bəs edər.