''Qalatasaray'' ilə Fernando Muslera arasında yeni müqavilə ilə bağlı danışıqlar hələ ki, uğurlu məcrada keçmir.

"Football-plus.az" xəbər verir ki, 13 ildi, İstanbul nəhənginin şərəfini qoruyan, klub tarixində ən çox titul qazanan və ən çox oyun keçirən əcnəbi futbolçu statusunda olan uruqvaylı əlcək sahibinin müqaviləsinin müddəti bu yay başa çatır. İlk dövrənin gedişində rəhbərlik ona yeni müqavilə təklif etməmişdi. Amma Okan Burukun təkidindən sonra Muslera ilə danışıqlar başladı. Sadəcə tərəflər ortaq məxrəcə gələ bilmir. ''Cim-Bom'' 37 yaşlı qapıçıya illik 1,5 milyon avro maaş olmaqla ''1+1'' illik müqavilə təklif edir. Muslera isə klubdan ''2+1'' illik müqavilə və 2,1 milyon avro maaş tələb edir.

Xatırladaq ki, təcrübəli qapıçının hazırki maaşı 2,5 milyon avrodu. Əslində Musleranın artıq yanvardan etibarən istədiyi klubla danışıq aparmaq hüququ var. Şayiələrə inansaq, Muslera bu yay nəinki Türkiyədən, ümumiyətlə Avropadan ayrılaraq ailəsi ilə birlikdə vətəni Uruqvaya qayıtmaq istəyir.

ƏLİ