Lider “Real” şənbə günü xal itirdiyindən ertəsi meydana çıxan “Jriona”, “Barselona” və “Atletiko” Madrid klubu ilə xal fərqini azaltmaq üçün əla imkan qazanmışdı.


Ancaq yalnız “hindular” bu imkandan yararlandı. “Barsa” “Atletik”in müqavimətini qıra bilmədisə, “Jirona”, ümumiyyətlə, uduzdu.

Çətin ki, kimsə belə ssenari gözləyirdi, ancaq “Valensiya” liderdən xal ala bildi. İlk dəqiqələrdən daha yaxşı təsir bağışlayan qonarlar topa nəzarət baxımından böyük üstünlüyə malik idi, ancaq təhlükəli vəziyyət yarada bilmirdi. “Valensiya” hissənin ortalarında qazandığı ilk şansdan yararlandı. Duro Peresin ötürməsini qapadı. Demək olar ki, ilk qoldan dərhal sonra madridlilər daha bir qol buraxmaqla vəziyyətibi daha da çətinləşdirdi. Karvaxalın ötürmə səhvindən Yaremçuk istifadə etdi. Amma “Real” belə oyunlarda geridönüş etməyin böyük ustasıdı. “Ağ şimşəklər” ilk yarının sonuncu uzatma dəqiqəsində fərqi minimuma endirdi. Səkən top Vinisiusa çatdı, o isə qarşısıalınmaz zərbə vurdu. Fasilədən sonra uzun müddət ərzində qonaqlar qol vurmaqda çətinlik çəkdi. Yalnız bir neçə dəyişiklikdən sonra “Real” bərabərlik qolunu vura bildi. Sonradan meydana çıxan Dias Vinisiusun fərqlənməsinə şərait yaratdı. Ancaq qonaqların bundan artığına gücü çatmadı. Əksinə, uzatma dəqiqələrində hakim “Real”ın qapısına həm penalti təyin etdi, həm də qərarını dəyişdi. Bu, hakimin yeganə hoqqası olmadı. “Real” son saniyələrdə künc zərbəsi yerinə yetirdi, “yarasalar” topu qapıdan uzaqlaşdıran kimi Xesus Xil Mansano final fitini səsləndirdi, halbuki hücumun davamında Bellingem qol vurdu. “Real”ın kəskin etirazıyla üzləşən referi oyundan sonra Bellingemə qırmızı vərəqə də göstərdi.

Srağagün səfərdə kubokun finalçısı “Malyorka” ilə qarşılaşan “Jirona”, təbii ki, “Real”ın bir gün əvvəl xal itirməsindən xəbərdar idi. Kataloniyalıların əlinə Madrid nəhəngi ilə xal fərqini 4-ə endirmək üçün əla fürsət düşmüşdü. Amma bunu bacarmadılar. “Malyorka” 33-cü dəqiqədə hesabı açdı. “Jirona” bütün qalan vaxt ərzində hücum qursa da, məğlubiyyətdən qaça bilmədi. 2022-nin oktyabrından bəri ilk dəfə ardıcıl üç səfər oyununda uduzan “Jirona” “Real”a yaxınlaşmaq bir yana, 2-ci pilləni də əldən verə bilərdi.

Ancaq “Barselona” da “Atletik”lə səfər oyununda xal itirdi. Oyun çox xaotik alındı, qol vəziyyətlərinin sayı o qədər də çox olmadı. Futbolçular çoxlu ötürmə səhvinə yol verdi. Bu üzdən qolsuz heç-heçəni məntiqəuyğun nəticə saymaq olar. Hərçənd azarkeşləri qollarla sevindirmək daha yaxşı olardı. İlk yarıda Kanselonun zərbəsi, həmçinin “Barsa”nın iki məcburi əvəzetməsi yadda qaldı. 2-ci hissədə də zaman-zaman gah bu, gah da digər komanda pressinq edir, gərginlik yaratmağa çalışırdı. Açığı, fasilədən sonra “Atletik” daha maraqlı oynadı. Qolsuz heç-heçənin komandalardan hansınısa razı saldığına inanmaq çətindi.

Kubokda mübarizəni dayandıran “Atletiko”un yeganə hədəfi “ÇL zonası”nda yerini qorumaqdı. “Hindular” ilk yarıda iki qol vurdu. “Betis” 62-ci dəqiqədə fərqi azaldandan sonra Oblak qələbəni qorumaq yolunda hədsiz fədakarlıq etdi. “Betis”in 5 oyunluq məğlubiyyətsiz seriyası başa çatdı.

“Sevilya” sonuncu dəfə təxminən üç il əvvəl – 2021-in aprelində qalib gəldiyi “Real Sosyedad”ı qəbul etdi. Əndəlüslər təkcə uğursuz seriyanı qırmaq yox, həm də turnir vəziyyətini yaxşılaşdırmaq istəyirdi. Ancaq basklar müqavimətsiz təslim olmaq fikrində deyildi. Onsuz da mövsümün 2-ci yarısı boşa verilib. Meydan sahibləri oyuna fəal başladı və dərhal da Remironun qapısı önündə təhlükəli vəziyyətlər yaratdı. Onların heyətində Ən-Nəsiri üç dəqiqə ərzində 2 qol vurdu. Önəmli üstünlük qazanan “Sevilya” topu rəqibə verdi. İlk yarının sonunda penaltini qola çevirən Silva baskların xal ümidini canlandırdı. Ancaq 2-ci hissənin əvvəlində meydan sahibləri üstün təsir bağışadı. Təcrübəli Ramosun 65-ci dəqiqədə vurduğu qol “Sevilya”nın qələbəsinə şübhə yeri qoymadı.

Turun qalan oyunlarına gəlincə, aşkar autsayder “Almeriya”nı məğlub edən “Selta” təhlükəli zonadan uzaqlaşmq yolunda kiçik addım atdı, “Rayo Valyekano” – “Kadis”, “Xetafe” – “Las-Palmas” oyunları heç-heçə bitdi, “Vilyarreal” “Qranada”nı darmadağın etdi. Dünən axşam keçirilən son oyunda “Osasuna” “Alaves”ə qalib gəldi.

27-ci tur
Valensiya – Real 2:2
Duro, 27. Yaremçuk, 30 – Vinisius, 45+5; 76. (47427)
Real: Lunin, Mendi (Qarsiya, 72), Çuameni, Rüdiger, Karvaxal, Kamavinqa (Xoselu, 73), Kroos (Modriç, 63), Valverde (Naço, 86), Bellingem, Vinisius, Rodriqo (Dias, 63).
Malyorka – Jirona 1:0
Kopete, 33. (17769)
Jirona: Qassaniqa, Qutyerres, Xuanpe, E.Qarsiya, Kouto, A.Qarsiya, Solis (Stuani, 78), Savio, Martin (Portu, 55), Sıqankov, Dovbik.
Atletik – Barselona 0:0
(50295)
Barselona: Ter Ştegen, Kanselo, Kubarsi (Martines, 76), Arauxo, Kunde, Kristensen (Romeo, 76), Gündoğan, De Yonq (Lopes, 26), Pedri (Yamal, 45), Rafinya (Feliş, 76), Levandovski.
Atletiko – Betis 2:1
Silva, 8-öz qapısına. Morata, 44 – Karvalyo, 62. (61901)
Atletiko: Oblak, Ermoso, Paulista, Vitsel, Lino (Rikelme, 81), Barrios, Koke (Saul, 62), De Paul (Molina, 62), Lyorente, Depay (Mandava, 81), Morata (Saviç, 86).
Sevilya – Real Sosyedad 3:2
Ən-Nəsiri, 11; 13. Ramos, 65 – Silva, 45+5-p. Mendes, 90+2. (35884)
Selta – Almeriya 1:0
Minqesa, 73. (18005)
Rayo Valyekano – Kadis 1:1
Lejen, 89 – Ernandes, 90+12. (12272)
Xetafe – Las-Palmas 3:3
Mata, 11. Qrinvud, 14. Maksimoviç, 45 – Ramires, 35. Kardona, 50. Munir, 57. (7623)
Vilyarreal – Qranada 5:1
Sörlot, 7; 19; 65. Kapu, 32. Gedeş, 47 – Korbyanu, 90+1. (15896)
Osasuna – Alaves 1:0
Budimir, 76. (17215)
1. Real 27 20 6 1 56-18 66
2. Jirona 27 18 5 4 57-33 59
2. Barselona 27 17 7 3 56-34 58
4. Atletiko 27 17 4 6 54-29 55
5. Atletik 27 14 8 5 46-26 50
6. Betis 27 10 12 5 32-28 42
7. Real Sosyedad 27 10 10 7 37-29 40
8. Las-Palmas 27 10 7 10 29-29 37
9. Valensiya 26 10 7 9 31-31 37
10. Osasuna 27 10 6 11 31-37 36
11. Xetafe 27 8 11 8 36-41 35
12. Vilyarreal 27 8 8 11 43-49 32
13. Alaves 27 7 8 12 25-33 29
14. Malyorka 27 5 12 10 24-34 27
15. Sevilya 27 6 9 12 33-40 27
16. Rayo Valyekano 27 5 11 11 23-37 26
17. Selta 27 5 9 13 30-39 24
18. Kadis 27 2 13 12 18-38 19
19. Qranada 26 2 8 16 28-54 14
20. Almeriya 27 0 9 18 25-55 9
Bombardirlər: Bellingem (Real) – 16, Mayoral (Xetafe) – 15, Dovbik (Jirona), Morata (Atletiko), Budimir (Osasuna) - 14.
Növbəti turun oyunları martın 8-11-i aralığında keçiriləcək: Barselona – Malyorka, Valensiya – Xetafe, Kadis – Atletiko, Qranada – Real Sosyedad, Jirona – Osasuna, Alaves – Rayo Valyekano, Las-Palmas – Atletik, Real – Selta, Betis – Vilyarreal, Almeriya – Sevilya.

Turun rəqəmi
25 – “Atletiko” La Liqada keçirdiyi son 25 ev oyununun heç birində məğlub olmayıb. Komanda bu oyunların 23-də qalib gəlib, 2-də heç-heçə edib.

Turun ulduzu
Alvaro Morata (Atletiko) – sıradan bir rəqib olmayan “Betis”lə oyunun taleyini həll etdi. 28-ci dəqiqədə qonaqların qapıçısı Rus Silva ilə penalti duelindən məğlub ayrılsa da, 44-cü dəqiqədə komandasının 2-ci qolunu vurdu. Əvəzləndiyi 86-cı dəqiqəyə qədər meydanda ən fəallardan oldu.

Turun sitatı
Vinisius Junior, “Real”ın yarımmüdafiəçisi: “Qalib gələ bilmədik, ona görə ki, bizə qalib gəlməyə imkan vermədilər. Dubl? Buna görə şadam, “Real” üçün tarix yazmaqda davam edirəm”.

Reaksiyalar
Dieqo Simeone, “Atletiko”nun baş məşqçisi: