“Kəpəz” rəhbərliyi xahiş etdi, “Turan Tovuz” “mümkün deyil” dedi - AÇIQLAMA
Sabah Misli premyer-liqası start götürür.
Yenidən elitaya qayıdan "Kəpəz" "Zirə"yə qarşı ev matçını doğma meydanda yox, "Dalğa Arena"da keçirəcək. Çünki Gəncə şəhər stadionu tələblərə cavab vermir, tribunaları qəzalı vəziyyətdədi.
Maraqlıdı, “Kəpəz” növbəti ev oyunlarını harda keçirəcək? Rəqibləri Gəncəyə yaxın rayonların birində qəbul etmək olmaz? "Football-plus.az" saytı olaraq bu suallara aydınlıq gətirmək üçün "Kəpəz"in icraçı direktoru İlqar Nadiri ilə əlaqə saxladıq:
"Təəssüf ki, ölkə çempionatında ilk ev oyunumuzu doğma şəhərimizdə keçirə bilməyəcəyik. Gəncə şəhər stadionu PFL ilə AFFA-nın standartlarına, demək olar ki, cavab verir. Paltardəyişmə otağı, mətbuat konfransı üçün məkan və sair hazırdı. Yeganə problem tribunalarla bağlıdı. Fövqəladə Hallar Nazirliyi stadionu nəzərdən keçirdi və tribunaların yararsızlığına görə oyunların keçirilməsi üçün əlverişli olmadığı qənaətinə gəldi. PFL də bu qərara əsasən ev oyunlarımızın keçirilməsi üçün alternativ stadion tapmağımızı tövsiyə etdi.
Biz öncə Gəncəyə daha yaxın olan Tovuz şəhər stadionunu düşünürdük. Bu məqsədlə "Turan Tovuz"un rəhbərliyinə müraciət etdik. Amma onlar oyunların sıx qrafikini əsas gətirərək razılıq vermədilər. Şəmkir stadionu isə standartlara cavab vermir. Bu üzdən Bakıdakı arenalara müraciət etdik. Bilirsiz ki, paytaxtdakı stadionların çoxu yerli klubların sərəncamındadı. İlk oyun üçün "Dalğa Arena" ilə razılığa gəlmişik. "ASK Arena" rəhbərliyi ilə də danışıqlarımız davam edir. Hələlik "Zirə"ylə matça köklənmişik. Növbəti həftələrdə ev oyunlarımızı keçirəcəyimiz stadionun adına aydınlıq gələcək".
Biz öncə Gəncəyə daha yaxın olan Tovuz şəhər stadionunu düşünürdük. Bu məqsədlə "Turan Tovuz"un rəhbərliyinə müraciət etdik. Amma onlar oyunların sıx qrafikini əsas gətirərək razılıq vermədilər. Şəmkir stadionu isə standartlara cavab vermir. Bu üzdən Bakıdakı arenalara müraciət etdik. Bilirsiz ki, paytaxtdakı stadionların çoxu yerli klubların sərəncamındadı. İlk oyun üçün "Dalğa Arena" ilə razılığa gəlmişik. "ASK Arena" rəhbərliyi ilə də danışıqlarımız davam edir. Hələlik "Zirə"ylə matça köklənmişik. Növbəti həftələrdə ev oyunlarımızı keçirəcəyimiz stadionun adına aydınlıq gələcək".
ABDULLA İSMAYILOĞLU
Digər xəbərlər
