"Oyunçu seçimində əl-qolu bağlı olsa da, taktiki gedişlərlə nəticə qazana bilər"
Elmar Baxşıyevin istefasından cəmi bir gün sonra Kaxaber Sxadadzenin “Qəbələ”nin baş məşqçi postuna təyin edilməsi böyük ajiotaj doğurdu.
Ölkə futboluna heç də yad olmayan gürcü mütəxəssisin 8 illik Azərbaycan təcrübəsi olduğunu da diqqətdən qaçırmaq olmaz. Sonuncu iş yeri Qazaxıstanın Aktau şəhərinin “Kaspi” komandası olan və uğursuzluqla yadda qalan təcrübəli çalışdırıcının 10 aylıq istirahətindən sonra özünü sübut etmək üçün yenidən ölkəmizə üz tutması “Qəbələ”yə nə vəd edir? Görəsən, 55 yaşlı mütəxəssis komandanı düşdüyü indiki böhrandan çıxarda biləcəkmi? Bu suala cavab tapmaq üçün vasitəçi Emil Şükürovun düşüncələrini öyrəndik:
“Sxadadzenin təyinatı mənim üçün sürpriz oldu. Komanda hazırda ciddi böhrandadı, aviasiya dili ilə desək, "steep dive" durumundadı. Təcrübəli mütəxəssisin işi çox çətin olacaq. Təbii ki, müsbət məqamlar da var, xüsusən də ölkə futbolunu yaxından tanımasını, həmçinin klub menecmenti ilə daha öncə işləməsini qeyd etmək lazımdı. Oyunçu seçimində əl-qolu bağlı olsa da, taktiki gedişlərlə nəticə qazana bilər. 32-ci turda “Qəbələ”ni “Kəpəz”ə qarşı çox ciddi imtahan gözləyir. Həmin vaxta qədər aradakı xalq fərqini 2-yə endirməsi vacibdi. Sxadadzenin 2013/14 mövsümündə “İnter”lə etdiyi geridönüş hələ də yadımdadı. Bu dəfə işi daha çətindi, şərtlər isə çox fərqlidi”.
KAMAL SƏFƏR
