Elmar Baxşıyev bu gün "Qəbələ"nin baş məşqçisi postundan istefa verdi.

"Football-plus.az" mövzuyla bağlı diqqətçəkən məlumat əldə edib.

Belə ki, "Sabah" rəhbərliyi mütəxəssislə əlaqə yaradaraq boş qalan baş məşqçi postu üçün xidmətində maraqlı olduğunu bildirib. Elmar Baxşıyev təklifi dərhal qəbul etməyib. Tərəflər arasında danışıqlar davam edir.

Masazır təmsilçisi "Qəbələ"nin baş məşqçi yox, məhz hakimlərin bəzi qərarları üzündən uğursuzluq yaşadığı qənaətindədi. Klub rəhbərliyi məşqçinin oyun tərzinin və xarakterinin futbolçularıyla uyğunlaşdığını düşünür.

Əlavə bilgiyə görə, Elmar Baxşıyevə mövsümün sonuna qədər şans veriləcək. "Sabah" "futbol ili"ni ilk "dörlük"də bitirəcəyi təqdirdə növbəti mövsüm də Elmar Baxşıyevin komandaya rəhbərlik dönəminə şahidlik edəcəyik.

KƏNAN BAHADIR