"Qəbələ"nin baş məşqçisi Elmar Baxşıyev Misli premyer-liqasının 17-ci turunda "Səbail"lə matçdan sonra (0:3) mətbuat konfransına qatılmadı. Jurnalistlərin suallarını onun yerinə köməkçisi Xaqani Məmmədov cavabladı. Məlum oldu ki, Elmar Baxşıyev səhhətiylə bağlı problemlə əlaqədar media nümayəndələrinin önünə çıxmayıb.

Görəsən, baş məşqçi ənənəvi mətbuat konfransına qatılmayanda hansı prosedurlar həyata keçirilməlidi? Suala Peşəkar Futbol Liqasının əsasnaməsində konkret cavab var. Belə ki, çalışdırıcı səhhətində yaranan problemlə bağlı bu addımı atırsa, onu adı protokolda olan köməkçilərindən biri əvəzləyə bilər. Deməli, "Qəbələ"nin bu addımı atması tam qanunauyğundu. Bəs, Elmar Baxşıyevin sağlamlığıyla bağlı problem nədi?

Klubun mətbuat xidmətinin rəhbəri Asəf Zeynallı "football-plus.az"a açıqlamasında baş məşqçinin durumunun hazırda normal olduğunu dedi.

Belə olan halda narahat olmağa dəyməz. Sadəcə, görünür, təcrübəli mütəxəssis komandanın uğursuzluqlarını həzm edə bilmir və bu üzdən narahat olur..

KƏNAN BAHADIR