Türkiyənin tanınmış klubunun baş məşqçisindən Elmar Baxşıyevə jest - AÇIQLAMA
“Qəbələ”nin baş məşqçisi Elmar Baxşıyevin PRO kursları ilə əlaqədar ötən həftə Türkiyəyə yollandığını, bir həftə “Fənərbaxça”nın futbol akademiyasında və “Konyaspor”un düşərgəsində olduğunu xəbər vermişdik.
Elmar bəy səfər təəssüratını “Football-plus.az” saytına bölüşdü:
“İlk olaraq “Fənərbaxça”nın akademiyasında oldum. Sonra isə “Konyaspor”un düşərgəsinə yollandım. Konya təmsilçisinin baş məşqçisi İlhan Palutun iş prinsipi ilə tanış oldum. Gənc, perspektivli və Türkiyədə tanınmış mütəxəssisdi. Onun həftəlik məşq proqramını götürdüm. Təcrübə baxımından çox faydalı oldu. Bir çox yeniliklərlə tanış olmaq imkanı qazandım”.
Baxşıyev “Konyaspor”la “Qəbələ” arasında oxşar və fərqli cəhətləri də qeyd etdi:
“İlk növbədə onu bildirim ki, infrastruktur baxımından çox fərq var. Palutun məşqçi korpusunda 9 mütəxəssis çalışır ki, bunu da xüsusi vurğulamaq lazımdı. Hər köməkçinin də özüsnə aid işi var. İki klub arasında oxşar cəhətlər də çoxdu. Ən əsası həm “Konyaspor”, həm də “Qəbələ” hücum futboluna üstünlük verir”.
RƏŞAD
Digər xəbərlər
