“Təbii ki, bu hesaba görə arxayınlaşmaq olmaz. Hesab edirəm ki, futbolçular başqa olmaqla bütün komanda belə düşünür. Yəqin ki, məşqçilər də bunu oyunçulara aşılayıb. Bu baxımdan arxayınlaşmaq olmaz. Mənə elə gəlir ki, bu görüşə sıfırdan başlayırmış kimi çıxmaq lazımdı. Belə də olacağına ümid edirəm. Çünki “Qarabağ”ın artıq təcrübəsi var. Buna görə də bu matça arxayın çıxacaqlarına inanmıram. “Qarabağ”ın necə oynaması lazımdı” sualına gəlincə, təbii ki, məşqçilər korpusu bunu daha yaxşı bilir. Oyuna necə hazırlaşdıqlarını biz içlərində olmadığımız üçün onlar daha yaxşı bilirlər. Sadəcə, fikrimcə, “Qarabağ” ilk oyunda necə oynayıbsa, elə də oynamalıdı. Yəni ağdamlılar öz oyunundan geri çəkilməməlidi və Portuqaliyadakı oyununun davamını burda da gətirməlidi. Bir məqamı da qeyd edim: rəqib hazırda yaralı aslan kimidi. Çünki itirəcəyi bir şey yoxdu. Məncə, onlar daha açıq futbol oynayacaq. Hətta ilk dəqiqələrdən etibarən qol vurmağa çalışacaqlar. Ona görə də “Qarabağ” buna hazır olmalıdı. Xüsusən də matçın sonrakı axarının hansı məcrada gedəcəyi ilk dəqiqələrdən çox asılıdı. Ağdam təmsilçisinə uğurlar arzulayıram. Ümid edirik ki, komandamız növbəti mərhələ adlayan tərəf olacaq. Buna inanırıq”.