Xəbər verdiyimiz kimi, “Qarabağ” Avropa Liqasının pley-offunda “Braqa” ilə qarşılaşacaq.
Bəs “köhlən atlar”ın növbəti mərhələyə adlamaq şansı nə qədərdi? Bəxtimizə “böyük beşlik” təmsilçilərinin düşməməsinin və ilk oyunun səfərdə keçirilməsinin müsbət və mənfi yönləri hansıdı? Qurban Qurbanov Portuqaliya çempionatında oyun təcrübəsi olan futbolçularının köməyindən yararlana biləcəkmi? “Football-plus.az” bu suallar ətrafında təcrübəli menecer Vaqif Heydərlinin fikirlərini öyrəndi:
“Portuqaliyanın Avropa Liqasında oynayan bütün klubları ciddi rəqiblərdi. O cümlədən də “Braqa”. Yəqin ki, təqdimata ehtiyac yoxdu. Son illər sabitliyi qoruya biliblər. “Braqa” Çempionlar Liqasında qrupdakı çıxışı ilə istər “Real”la, istər “Napoli”ylə, istərsə də “Union”la matçlarda səviyyəsini ortaya qoydu. Futbolda oyundan əvvəl şansları müqayisə etmək doğru deyil. Lakin reallığı qəbul etsək, görərik ki, “Braqa” daha şanslıdı. Bir çoxları “böyük beşlik” komandalarını reklam və marketinq baxımından bizim üçün daha yaxşı olacağını düşünürdü. Amma mərhələ keçmək baxımından bunların bizimlə düşməməsi daha yaxşıdı. Müasir futbolda ev-səfər oyunu anlayışı əvvəlki illərdəki qədər aktual deyil. Həm də nəzərə almaq lazımdı ki, “Qarabağ”ın yetərli Avropa təcrübəsi var. Bəzi xırda məqamlar var. Məsələn, komanda ilk oyunu səfərdə keçirəndə cavab görüşünə artıq ona uyğun hazırlaşır. Bu rakursdan dəyərləndirsək, nisbətən psixoloji üstünlük olduğunu görərik. Lakin bu məqamın son nəticiyə ciddi təsiri olacağını düşünmürəm”.
MİRKAMAL KAZIMZADƏ