Türkiyə çempionatının son turunda baş tutan ''Qaziantep'' - ''Samsunspor'' oyununda futbolda nadir hallarda yaşanan, bəlkə də indiyə qədər ümumiyətlə heç vaxt yaşanmayan bir olay baş verdi.

"Football-plus.az" xəbər verir ki, 1:1 hesabı ilə yekunlaşan oyunun final fitindən sonra meydan sahiblərinin üzvü Papi Ciloboci ilə qonaqların futbolçusu Flavien Tait arasında mübahisə yaşandı. Həmin an Ciloboci rəqibinə yumuruq vuraraq onu yerə yıxdı. Olaydan dərhal sonra hakim Zorbay Küçük VAR tərəfindən epizodu izləmək üçün monitora dəvət edildi. Ədalət təmsilçisi epizodu izlədikdən sonra Cilobocini tapmadı. Çünki seneqallı yarımmüdafiəçi artıq paltardəyişmə otağına yollanmışdı. Bu üzdən Küçük ''Qaziantep''in paltardəyişmə otağına daxil olaraq futbolçuya qırmızı vərəqəni məhz orda göstərdi! 2019-cu ildən Türkiyədə çıxış edən 35 yaşlı təcrübəli futbolçunun bu hərəkətinə görə ən azı 5 oyunluq cəza alacağı gözlənilir.

ƏLİ