Türkiyənin gənc və perspektivli hakimlərindən sayılan Zorbay Küçük Türkiyə Futbol Federasiyası rəsmilərini məyus edib.

"Football-plus.az" xəbər verir ki, bu ildən FİFA hakimi statusu daşıyan Küçük hakimlərin fiziki testindən və normativlərdən keçə bilməyib. Mayın 8-11-də İsveçrənin Nyon şəhərində UEFA tərəfindən hakimlərin inkişafı üçün ''Beynəlxalq Hakimlər üçün 31-ci UEFA Giriş kursu''adlı seminar təşkil olunub.

Ədalət təmsilçiləri həm fiziki testlərdən keçiblər, həm də qaydalarla bağlı imtahan veriblər. Zorbay Küçükdən başqa 27 fərqli ölkədən daha 45 hakim ilk dəfə bu seminarda iştirak edib. Düzdü, 29 yaşlı hakimin vəziyəti düzəltmək üçün daha bir şansı olacaq. Belə ki, qarşıdakı dönəmdə növbəti seminarın keçiriləcəyi gözlənilir. Amma bu cür perspektivli hakimin uğursuzluğa düçar olması birmənalı qarşılanmayıb. Bir neçə həftə öncə ''Trabzonspor'' - ''Beşiktaş'' matçında oyun qaydalarının pozulmasına göz yuman Küçük bu ilin yanvarında ilk dəfə FİFA statusu alıb.