“Dünən Braqada çox gözəl hava var idi. Əsl yay havası… Amma bu gün bir qədər soyuq və yağışlı keçir. Belə havaya yerli futbolçular öyəşsə də, bizimkilər üçün bir qədər uyğun deyil. Bura kiçik, sakit şəhərdi. Portuqaliyanın dini mərkəzi sayılır. Ümumən çox sakitlikdi. Heç elə bil belə bir oyun olmayacaq. İndi səhərdi. Oyuna qədər, yəqin ki, çox şey dəyişəcək. Tribunalarının dolması üçün 200 minlik şəhər əhalisinin hər 6 nəfərindən biri stadiona təşrif buyurmalıdı. Bizim üçün tarixi matçdı. Favorit “Braqa”dı. İtirəcəyimiz bir şey yoxdu. Sözsüz, çempionumuz var gücünü ortaya qoyacaq. Qurban Qurbanovun məşqçilik bacarığına güvənimiz çox böyükdü. İnanıram ki, bütün bunlar Bakıya yaxşı nəticə ilə dönməyimiz üçün kifayət edəcək”.