“Komandamızın vəziyyəti əladı. Bunu hələ Bakıda - hava limanında gördük. Futbolçularımız döyüşkən əhval-ruhiyyədədi. Şəxsi fikrimdi ki, Julio Romao da burda olsa, daha yaxşı idi. Çünki hava çox soyuqdu, üstəlik Bakıdan uzun yol qət edilib və meydan süni örtüklüdü. Fiziki cəhətdən çox güclü rəqibə qarşı belə məqamda Romao kimi futbolçunun köməyi dəyərdi. Amma dəfələrlə şahidi olmuşuq ki "Qarabağ"da fərdlər heç nəyi dəyişmir. Dəyişsə də, həmin fərd yalnız Qurban Qurbanovdu.

Moldeyə gəlincə, kiçik və soyuq şəhərdi. Amma insanları çox istiqanlı və mehribandı. Demək olar ki, hər obyektdə "Molde"nin bayrağını və ya hansısa atributunu görmək olar. Şəhərin təxminən 25 min əhalisi var və onların ən böyük əyləncəsi "Molde"di. Bu səbəbdən düşünürəm ki, axşam stadionda anşlaq olacaq və “Molde”yə güclü dəstək veriləcək. Belçikalı hakimlər briqadasından da bir az ehtiyatlanıram. Amma istənilən halda düşünürəm ki, sonda sevinən tərəf biz olacağıq. Çünki tarix yazmaq asanlıqla olmur və hər adamın qisməti deyil. Bugünkü matçda heç-heçə, məncə, bizə Avropa Liqasının pley-offunu təmin edəcək. Bu isə futbol tariximizdə bir ilk olacaq”.