Tanınmış türkiyəli futbolçu Yusuf Yazıcının yayda hansı kluba yollanacağı maraq doğurur.

27 yaşlı vingerin Fransa təmsilçisi ''Lill'' ilə müqaviləsinin müddəti mövsümün sonunda başa çatır. Ona indidən bir çox önəmli klublar maraq göstərir.

Bu mövsüm yenə diqqətçəkən performans sərgiləməyi bacaran Türkiyə yığmasının üzvü 30 rəsmi qarşılaşmada 10 qol, 3 məhsuldar ötürmə ilə fərqlənib. Bu arada Yusufun menecerini dəyişdirdiyi məlum olub. Bu futbolçu uzun illərdi birlikdə işlədiyi türkiyəli menecer Adəm Cebeci ilə yollarını ayırmaq qərarına gəlib. Yusuf israilli menecer Pini Zahavinin şirkəti ilə müqavilə imzalayıb. Bu futbolçuya yeni klubu məhz Zahavi tapacaq. Futbol dünyasında kifayət qədər tanınan 80 yaşlı menecer Levandovski, Nkunku, Telyes, Mitroviç, Abubakar kimi ulduzlarla çalışır.

Qeyd edək ki, ''Trabzonspor''un yetirməsi olan və 2019-da 18,5 milyon avroya ''Lill''ə transfer olunan Yusuf indiyə qədər bu klubda 123 rəsmi oyunda 27 qol, 14 məhsuldar ötürməlik fayda verib.

ƏLİ