Karyerasını ''Lill''də davam etdirən türkiyəli hucumameyilli yarımmüdafiəçi Yusuf Yazıcı maraqlı və hətta tarixi bir göstəriciyə nail olub.

"Football-plus.az" xəbər verir ki, Fransa təmsilçisi həftəiçi Konfrans Liqasının qrup mərhələsinin 5-ci turunda Lyublyanada ''Olimpiya''nı 2 cavabsız qolla məğlub edərək liderliyini davam etdirdi. Bu nəticə ilə ''Lill'' qrupda ilk 2 pillədən birini tutmağı rəsmiləşdirdi. Yusuf 75-ci dəqiqədə fərqlənməklə yekun nəticəni müəyyənləşdirdi. Bu, Yazıcının fransızların heyətində 26-cı avrokubok oyununda vurduğu 10-cu qol oldu.

Maraqlıdı ki, bu göstərici Türkiyə yığmasının üzvünə klub tarixinin avrokuboklardakı ən məhsuldar oyunçusuna çevrilməsi üçün kifayət edib! Yəni indiyə qədər ''Lill''də Avropa arenasında 10 top vuran futbolçu olmamışdı. Əvvəlki rekord 2001-06-cı illərdə ''Lill''in şərəfini qorumuş və avrokuboklarda 9 qol vurmuş konqoəsilli fransalı forvard Mett Mussiluya məxsus idi.

ƏLİ