“Oyunu izləyə bilibsizsə, yəqin ki, siz də aydın şəkildə rəqibdən daha yaxşı oynadığımızı gördüz. Sadəcə, son oyunlardakı kimi, bu dəfə də idman şanssızlığı bizim tərəfimizdə idi. Bəli, yaxşı hazırlıq keçmişik, yaxşı heyət formalaşdırmışıq. Düzdü, hava şəraiti üzündən istədiyimiz sayda yoxlama oyunu keçirə bilmədik. Bu da az da olsa, mənfi təsirini göstərdi. Toparlanmağa çalışırıq. Növbəti oyuna ciddi hazırlaşırıq. Rayon rəhbərliyi və ictimaiyyəti də bizə inanır və yanımızdadı. Yeri gəlmişkən, bu gün icra başçısı Elmir Bağırov stadionda məşqimizi izlədi, məşqçi və futbolçular ilə səmimi söhbət etdi. Onlara uğurlar arzuladı və tarixi missiyalarını xatırlatdı. Camiə olaraq, "Zaqatala" ilə oyuna köklənmişik”.