Autsayderlərin görüşündə “Araz Saatlı” biabır oldu

Futbol üzrə ölkə çempionatının 1-ci liqasında qış fasiləsi sona çatdı. Komandaların istirahətdən yaxşı formada qayıtdığı bəlli idi. Rəqabətin gərginliyi nəticələrə də yansıdı. Sadəcə, autsayderlərin görüşündə böyükhesablı məğlubiyyət qeydə alındı ki, bu da “Araz-Saatlı”nın “Zaqatala” qarşısında belə çox zəif olduğunun əyani sübutudu. Azarkeş dəstəyi isə ənənəvi qaydada idi. Az… Çox az! Ən çox tərəfdar “Mingəçevir” – “Şamaxı” matçını izlədi ki, say 550-di. MOİK – “Karvan”, “İrəvan” – “İmişli” oyunları haqda başqa yazılarda oxuya bilərsiz. Biz isə “Difai Ağsu” – “Araz Saatlı” oyununa keçid alaq. Autsayderlər meydana mövqeyini yaxşılaşdırmaq üçün çıxmışdı. Rüfət Quliyevin çalışdırdığı qonaqlar 4 qolun heç birinə cavab verə bilmədi.

“Mingəçevir”in “Şamaxı”ya minimal hesabla məğlub olduğu matç isə gərgin keçdi. Futbolçular həm sürətli, həm də aqressiv oyun göstərdi. Hər iki komandanın heyətində legionerin olmaması, gənclərimizin 90 dəqiqə boyunca bir-birini üstələməyə çalışması nəticəsində maraqlı matç izlədik. Ədəhim Niftəliyevin komandası “artırıb”. Ramiz Məmmədovun yetirmələrinə gəlincə, “şirlər” çempion olmaq istəyirsə, daha çox çalışmağa məcburdu. Eyni sözlər “Qaradağ Lökbatan”a da aiddi. Çünki Azər Həşimovun komandası “Zaqatala”nı yenə bilmədi. Halbuki aşkar favoritdən fərqli nəticə gözlənilirdi.

KƏNAN BAHADIR