Yanvarın 11-də Misli premyer-liqasında qış “transfer pəncərəsi” açıq elan olunmuşdu. Proses fevralın 8-dən 9-a keçən gecə, saat 23.59-da başa çatdı.

Ümumi duruma baxsaq, “Sumqayıt” nə hansısa futbolçunu yola saldı, nə də heyəti zənginləşdirdi. Sonuncu məqamı həm də "Sabah"a aid edə bilərik. Ən çox legioner "Səbail"ə,  ən çox yerli futbolçu isə "Kəpəz"ə gəldi. Gəncə təmsilçisi həm də "Araz-Naxçıvan"la birgə 1-ci liqaya oyunçu icarəyə verənlər siyahısında yer aldı. Azərbaycanlı üzvü xarici ölkəyə yollanan klublarə "Qarabağ"la "Turan Tovuz"du. "Köhlən atlar"dan ayrılan Rahil Məmmədovun və "bozqurd"dan ayrılan Sərtan Taşkının həm də milli üzvü olması hadisələrə bir qədər də rəng qatdı. "Transfer pəncərəsi"nin səs-küylü keçidinə gəlincə, Aleksey İsayevin adını çəkmək olar.

Xatırladaq ki, klublar bundan sonra heyətinə yalnız azad agent statusuna malik futbolçuları cəlb edə bilər.

Qarabağ
Gələn: Aleksey İsayev (Sabah)
Gedən: Rahil Məmmədov (LKS, Polşa)
Zirə
Gələnlər: Ceyhun Nuriyev (Sabah), Rafael Utziq (“Sunqnam Asan”, Koreya)
Gedən: Andriya Lukoviç  (“Radniçki”, Serbiya)
Neftçi
Gələnlər: Alfa Konte (“Lokomotiv”, Bolqarıstan), Brayan Moreno (azad agent)
Gedənlər: Aaron Olanare, İsmayıl Zülfüqarlı, Fərid Yusifli (hər ikisi “Turan Tovuz”, icarə)
Sumqayıt
Gələn: yoxdu.
Gedən: yoxdu.
Səbail
Gələnlər: Madi Queta (“Mafra”, Portuqaliya), Ayub Masika (“Nanjinq Siti”, Çin), Süleyman Alluş ("Venlo", Niderland)
Gedən: Amil Yunanov (“Kəpəz”, icarə)
Araz-Naxçıvan
Gələnlər: İldar Alekperov ("Sabah", icarə), Ramin Nəsirli
Gedənlər: Bayraməli Qurbanov ( “Difai”, icarə), Nihat Qurbanlı (MOİK, icarə) 
Turan Tovuz
Gələnlər: Aleks Souza (“Hegelman”, Litva), İsmayıl Zülfüqarlı, Fərid Yusifli (hər ikisi “Neftçi”, icarə)
Gedən: Sərtan Taşkın (“Manisa”, Türkiyə), Budaq Nəsirov (Karvan)
Sabah
Gələn: yoxdu.
Gedənlər: Aleksey İsayev (Qarabağ), Ceyhun Nuriyev (Zirə), İldar Alekperov (“Araz-Naxçıvan”, icarə), Camal Cəfərov (“Kəpəz”, icarə)
Kəpəz
Gələnlər: Amil Yunanov (“Səbail”, icarə), Camal Cəfərov (“Sabah”, icarə), Ədilxan Qarəhmədov (İrəvan)
Gedən: Elnur Cəfərov ("İmişli", icarə)
Qəbələ
Gələn: Klesio Bauk (“Honka”, Finlandiya)
Gedən: Omar Hani (“Doksa”, Cənubi Kipr)