Dünən futbol üzrə ölkə çempionatının 1-ci liqasında 11-ci tura start verildi.

İlk matçda MOİK “Zaqatala”yla qarşılaşdı. Ordu klubunun əzmkar qələbəyə sevindiyi oyunda qonaqların azlıqda qaldığını da qeyd etməliyik. Hər halda, “hərbçilər” rəqibi asanlıq məğlub etmədi. İkinci qarşılaşma gözlənilməz nəticəylə yadda qaldı. Belə ki, “Difai Ağsu” mövsümdə ilk qələbəsini qazandı. Əlamətdar hadisənin “Karvan”la matçda yaşanması isə 3 xalın dəyərini daha da artırdı. Çünki yevlaxlılar son 4 oyunda məğlub olmamışdı.

"Football-plus.az" xəbər verir ki, tura bu gün keçiriləcək görüşlərlə yekun vurulacaq.

Öncə “İrəvan” – “Qaradağ Lökbatan” qarşılaşmasına şahidlik edəcəyik. Hər iki komandanın iddialısına şübhə yoxdu. Burda rəqabətin yüksək səviyyədə olacağı bəllidi. Ötən həftə “Karvan”a yenilən Qərbi Azərbaycan təmsilçisi (0:2) rəqibə ciddi yanaşmalıdı. Lökbatanlılar isə MOİK-in yiyələndiyi zirvəni yenidən ələ keçirmək istəyəcək. Ümumiyyətlə, gərgin Nazim Süleymanov – Azər Həşimov dueli maraqla gözlənilir. “Mingəçevir”in “Araz Saatlı” sınağı isə ortababla autsayderin üz-üzə gəlməsidi. Meydan sahibləri favorit olsa da, qonaqların sonuncu pillədən qurtulmaq istəyi az olmayacaq. Tura “Şamaxı” – “İmişli” oyunuyla yelun vurulacaq. “Şirlər” yeni baş məşqçi Ramiz Məmmədovun gəlişindən sonra yüksəlişə keçməlidi. Amma “İmişli”ni də təcrübəli Əsgər Abdullayevin çalışdırdığını unutmayaq.

13 dekabr
MOİK – Zaqatala 2:1
İsa Zeynallı, 9-p. Ramil Orucov, 88 – Roini İsmayılov, 23.

Difai Ağsu – Karvan 1:0
Coşqun Əsədzadə, 90.

14 dekabr
İrəvan – Qaradağ Lökbatan 0:2
Tunar Mütəllimov, 76. Seyxan Fərəcov, 83.
Bakı, “ASK Arena”. Saat 13.00.

Mingəçevir – Araz Saatlı 3:1
Vidadi Cəfərov, 29, 57. Əsgər Hüseynov, 78 - Sequn Omotoşo, 60.
Mingəçevir, Yaşar Məmmədzadə adına şəhər stadionu. Saat 14.00.

Şamaxı – İmişli 0:0
Şamaxı, şəhər stadionu. Saat 14.00.
Xal durumu: MOİK – 22, Qaradağ Lökbatan – 24, Şamaxı, İmişli - 19, Karvan – 18, İrəvan – 17, Zaqatala, Mingəçevir – 13, Difai Ağsu – 4, Araz Saatlı – 3.
Bombardirlər: Elşad Tağıyev (Şamaxı) – 10, Emin Zamanov (Şamaxı) – 6, Peter Kinqs (Karvan) – 6.

KƏNAN BAHADIR