“Kəpəz”in heyətlə bağlı planları haqda məlumat vermişdik.

Qeyd etmişdik ki, Amil Yunanovu “Səbail”dən, Camal Cəfərovu “Sabah”dan icarəyə götürən Gəncə təmsilçisi bir legionerlə də anlaşmaq niyyətindədi.

"Football-plus.az"a daxil olan məlumata görə, bu yöndə axtarışlar fayda verib. Baş məşqçi Adil Şükürovun razılığıyla komandaya əcnəbi futbolçu gətirilib. Söhbət Yovan Krnetadan gedir. Lakin hələ onunla müqavilə imzalanmayıb.

Daha dəqiqi, çalışdırıcı onu sınaqlardan keçirir. Yekun nəticə Adil bəyi qane etsə, futbolçuyla müqavilə imzalanacaq. Qeyd edək ki, Krneta təcrübəli müdafiəçilərdən sayılır. Onun 31 yaşı var. Daha öncə, “Partizan”, “Srvena Zvezda”, “Radniçki”, “Çernomorets”, “Levadiakos”, “İndjiya”, “Rudar” klublarının formasını geyinib. O, 2015-2018 və 2020-ci illərdə “Zirə”də çıxış edib.

KƏNAN BAHADIR