“Doğrudu, Elxan müəllimin fevralın ilk həftəsində ölkəyə dönə biləcəyini demişdik. Amma konrket bir şey demək olmur. Çünki ordakı prosedurlar, müalicə tam qüvvəsiylə hələ davam edir. Qərar da durumuna uyğun deyiləcək. Burda dəqiq vaxt demək mümkün deyil. Amma ümumi bərpa prosesi davam edir və yavaş-yavaş vücudu güc toplayır. Ondan sonra Türkiyədəki həkimlərin qərarına əsasən müalicəni Bakıda davam etdirə bilər. Aslan müəllimdə hələ ki eyni prosedurlar davam etdirilir. Hər gün iki dəfə, yəni səhər və günorta hər biri 2 saat olmaqla bərpa kursu keçir, müxtəlif tibbi müdaxilələr edilir. Evə buraxılması ehtimalı ilə bağlı hələ ki bir söz deyə bilmərik. Çünki müalicə prosedurları ən azı həkimləri qane edən səviyyəyə gələndən sonra yəqin şərait yaradılacaq ki, müalicəni evdə davam etdirsin. Təəssüf ki, nə Elxan müəllimlə, nə də Aslan müəllimlə bağlı dəqiq tarix demək mümkün deyil”.