“Aslan müəllimin sağlıq durumuna qovuşması ilə bağlı eyni prosedurlar davam edir. Sadəcə, gündəlik bərpa kursu keçir. Hələ ki hərəkət etməsinə icazə verilmir. Gün ərzində bir-neçə dəfə 10-15 dəqiqə oturmasına icazə verilir. Sonra yenə uzanmış vəziyyətdə qalır, çünki həkimlər fiziki cəhətdən yükləmək istəmirlər. Hər şey bərpa prosesinin axarından asılıdı. Gördüyümə əsasən deyə bilərəm ki, ən azı 10 gün, iki həftə də xəstəxanada olacaq. Elxan müəllimin vəziyyətinə gəlincə, bəli, son əməliyyat yanvarın 8-də geridə qaldı, hazırda bərpa prosesi keçir. Fizioterapiya kursu ara vermədən davam edir. Yəqin ki, fevralın ortalarında Bakıya qayıdacaq. Bərpa prosesini və fizioterapiyanı Bakıda davam etdirəcək. Artıq ondan sonra yenidən qərar veriləcək ki, Türkiyəyə qayıtmasına ehtiyac var, ya yoxdu”.